Dan jagáš juoigankonsearttas lei ovddeš Sámi Grand Prix oasseváldiin gilvu, geahččit galge jienastit vuoiti. Šelgon Joreha Máret lea vuoitán Sámi Grand Prix golbmii, ja dál vuittii vuitiid gilvvu. Filbmabihttážat áššis!
Dan jagáš juoigankonsearttas lei ovddeš Sámi Grand Prix oasseváldiin gilvu, geahččit galge jienastit vuoiti. Šelgon Joreha Máret lea vuoitán Sámi Grand Prix golbmii, ja dál vuittii vuitiid gilvvu. Filbmabihttážat áššis!
Šelgon Joreha Máret, Marit Gaup Eira vuittii juoigangilvvu mii skilleduorastaga lágiduvvui Báktehárjjis.
Guovdageainnus láve juohke skilleduorastaga árbevirolaš juoigankonsearta. Dán jagi ledje logi oasseváldi, ja sii ledje buohkat ovddeš Sámi Grand Prix vuoitit. Geahččit ledje ožžon mentometeriid maiguin galge jienastit. Juohke juoigi juoiggai golbma luođi, ja daid vuođul galge geahččit jienastit gii sin mielas orui čeahpimus.
Šelgon Joreha Máret lea golbmii vuoitán Sámi Grand Prix. 1993as vuittii iežas áhkkuba Mihkkal Johana luđiin, 1997as vuittii iežas luđiin, Hilbon Májjáš ja 2003as juoiggastii iežas áhkkuba Jon Martina, ja vuittii.
Vuoiti ieš ii lean vuordán vuoitit.
— Somá dieđusge, muhto vurden ahte nuorra olbmot soitet vuoitit. In vuordde goassege vuoittu muitala Marit Gaup Eira.
Eará oasseváldiid namat ja goas sii leat vuoitán Sámi Grand Prix.
Anders P. Bongo: 1996
Anders Nils J. Eira: 1991, 1992
Anders Aslak N. Eira: 1994, 1995
Nils Jørgen Utsi: 1998
Biret Anne Oskal Kemi: 1999
Lars Ante Kuhmunen: 2000
Ellen Oskal Spein: 2002
John Mathis Utsi: 2004, 2010
Anna-Reeta Niemelä: 2006
