Dorvoohccirávdnji Storskog bokte orru láivon.
Dorvoohccirávdnji Storskog bokte orru láivon.
Maŋimuš golmma beaivvis ii leat boahtán oktage dorvoohcci Storskog rádjástašuvnna bokte Norgii, dán dieđihit Nuorta-Finnmárkku politiijat twittera bokte.
Árabut dán čavčča leat boahtán oktiibuot birrasiid 6000 dorvoohcci Norgii, Storskog bokte.
Garrasat eavttut
Vuossárgga čuovvugohte Nuorta-Finnmárkku politiijat Olgoriikalaččaiddirektoráhta (UDI) ođđa bagadusa mas leat garra eavttut daidda geat áiggoše rasttildit rájá Norgii.
Norgga rádjedárkkisteaddjit besset dál árvvoštallat dorvoohcciid ID-báhpiriid jo ovdal go dorvoohccit guđđet Ruošša. Nu sáhttet dorvoohccit bissehuvvot ovdal go ollejit Norgii.
