Team Sámi futsal-nieiddat besse vuolgit ruoktot golliin go dán jagáš Árktalaš dálveriemut nohke.
Team Sámi futsalnieiddain ii lean nu buorre álgu Árktalaš dálveriemuin mat lágiduvvojedje Kanadas mannan vahkku.
Sii vuoittáhalle vuosttaš čiekčamis, ja okta čiekči sis roasmmehuvai nu ahte ii beassan čiekčat maŋemuš čiekčamiid.
Manai aŋkke bures
Maŋŋel go ledje vuoittáhallan, čiekčan dássádit ja okta čiekči vel roasmmehuvvan, de viimmat mannagođii bures fas nieiddaiguin.
Beallefinálas deaivvadedje Northwest Territories nieiddaiguin, ja vuite 8-0.
Golden goal finálas
Finálas deaivvadedje nieiddat Yukon joavkkuin.
Šattai garra čiekčan, muhto maŋŋel «golden goal» besse Team Sámi futsal-nieiddat viimmat ávvudit golli.