Dán áigodaga golgodávda lea ollen buot guovlluide riikkas, ja lea vurdon influeansaboahkus unnán dahje muttát ávkki, dieđiha Álbmotdearvvašvuođainstituhtta.
Dán áigodaga golgodávda lea ollen buot guovlluide riikkas, ja lea vurdon influeansaboahkus unnán dahje muttát ávkki, dieđiha Álbmotdearvvašvuođainstituhtta.
Instituhtta muitala ahte laboratoriaid bokte duođaštuvvon influeansa lea hirbmosit lassánan, ja sihke A- ja B-influeansa lea lassánan ollu maŋemus vahkkuid.
Vurdo maid ahte golgodávda lassána dál juovllaid ja ođđajagibasiid, muhto golgodávda olle albmaládje easka ođđajagimánus.
– B-inlueansavirus, mii dál leavvá, ii leat dat seamma mii lea boahkuin, dan dihte eat vuordde ahte boahkku suddje nu bures dán jagi, muitala Álbmotdearvvašvuođainstituhta seniorráđđeaddi Ragnhild Tønnessen Aftenpostenii.
Guokte roasu
A-virus lea seamma go diibmá lei. Dan dihte jáhkket ahte stuora oassi olbmuide ii njoamo dat golgodávda.
Dán rádjái ii leat nu alla influeansaaktivitehta eanaš fylkkain. Golggotmánu rájes leat guokte influeansaroasu dieđihuvvon dearvvašvuođainstitušuvdnii.
(©NTB)
