-Almmuhus-
-Almmuhus-
OĐĐASAT Golgo­dávddat eai leat vel njoammu­goahtán Norggas

Golgo­dávddat eai leat vel njoammu­goahtán Norggas

-

-

Dál eai dieđe lea go golgodávdaáigodat álgán albmaládje ja jáhkket dán jagi golgodávdaáigodaga šaddat hui láivin.

Álbmotdearvvašvuođainstituhtas (FHI) dieđihit ahte ii leat duođaštuvvon golgodávdanjoammun vel Norggas. Koronadoaimmaid dihte eai leat FHI bealis sihkkarat lea go golgodávdaáigodat álgán vuos.

– Lea ain eahpesihkarvuohta lea go golgodávdanjoammun vel ollen Norgii dál. Eai leat golgodávddat dieđihuvvon vahkku 48 ja 49, čállá FHI sin ođđaseamos raporttas. Dat ii leat dábálaš dán áigodagas dál.

Kapasitehta covid-19 buhcciide

Diibmá 49. vahkku lei golgodávda njommon 242 olbmui Norggas. 31 olbmo ožžo divššu buohcceviesus, ja ledje viđas intensiivaossodagas. Dán jagi lea dušše golbmasis dieđihuvvon golgodávda Norggas, ja buohkat leat fitnan olgoriikkas, ii ge leat duođaštuvvon ahte njoammun lea leavvan viidáset Norggas.

Dál ii leat okta ge olmmoš buohcceviesus dábálaš golgodávddain, mii lunddolaččat rahpá kapasitehta koronapasieanttaide. Dál leat 132 koronabuohcci buohcceviesus, ja 24:s leat intensiivadivššus, Dearvvašvuođadirektoráhta dieđuid vuođul.

– Lea positiiva go geahččá kapasitehta ektui. Dalle ii šatta dat lassi deatta masa lea ballu go sihke golgodávda buohccit ja covid-19 buohccit dárbbašit divššu oktanaga, lohká Álbmotdearvvašvuođainstituhta ossodatdirektevra Line Vold.

(©NTB)

-Almmuhus-