-Almmuhus-
-Almmuhus-
OĐĐASAT Golgodávdda geažil šaddet bassat olles hurtigruteskiippa

Golgodávdda geažil šaddet bassat olles hurtigruteskiippa

-

-

Čiežas leat ožžon golgodávdda MS Finnmarken hurtigruteskiippas. Fanas lea dál Bergenis kaias ja galgá bures bassot ovdal go beassá vuolgit viidáseappot.

– Mis leat leamaš muhtin dáhpáhusat golgodávddain maŋimuš beivviid. Lea sáhka čieža olbmos geat leat buohccán, lohká Hurtigruten preassavákta Øystein Knoph NRK:i.

Son muitala ahte eai dieđe manne olbmot leat buohccán. Olbmot leat báhcán Bergenii, eai ge dan maŋŋil galgga eambbo olbmot leat fáhtehallan golgodávdii.

 

Bassamin

Dál leat vuđolaččat bassamin skiippa.

– Mii leat hárjánan olu olbmuid dustet oktanis, danne leat mis buorit rutiinnat maid čuovvut go fuomášat golgodávddaid, lohká Knoph.

Ovdal juovllaid maid leavai golgodávda muhtin hurtigruteskiippas. Dalle lei MS Polarlysas, dat fanas fertii maid miehtá bassot ja plánejuvvon juovlabeavdedoaluid fertejedje sirdit gáddái.

(©NTB)

- Advertisement -
-Almmuhus-