-Almmuhus-
-Almmuhus-
OĐĐASAT Golgo­dávda­boahkku hálbbi­duvvo 50 ruvdnui riska­joavkkuide

Golgo­dávda­boahkku hálbbi­duvvo 50 ruvdnui riska­joavkkuide

-

-

Sii geat leat riskajoavkkus leat ovdal gártan máksit gaskal 175 ja 575 ruvnno dan boahku ovddas. Dál ii galgga iešmáksu leat eará go 50 ruvnno.

Lea boahkuheaddji gii ovdal lea mearridan makkár hatti váldá go bidjá boahku. Dál dieđiha Dearvvašvuođadirektoráhtta ahte boahkku ii galgga máksit eará go 50 ruvnno juohke geavaheaddjái. 

Dál biddjo haddi nu vulos vai eambbogat válljejit boahkuheami váldit. Jus eambbogat eai buohccá golgodávddain, de šaddá unnit deaddu dearvvašvuođabálvalussii, ja nu lea dearvvašvuođabálvalus buorebut ráhkkanan gieđahallat pasieanttaid geain lea covid-19 golgodávda.

Boahkuheapmi golgodávdda vuostá lea oažžumis golggotmánus, ja lea gitta juovlamánu 1. beaivvi rádjái várrejuvvon ovddemussii sidjiide geat leat riskajoavkkus ja dearvvašvuođabargiide geat leat pasieanttaiguin oktavuođas.

Doaibma máksá birrasii 190 miljovnna ruvnno, ja lea Helfo mii máksá boahku golu doavtterkantuvrraide gos bidjet boahku. 

Jus bijahat boahku apotehkas, de ii leat seamma haddeortnet.

- Advertisement -
-Almmuhus-