Influeansa njoammudávda lassána juovllaide, muhto ođđajagemánus buohccájit eanemus olbmot, dieđiha Álbmotdearvvašvuođainstituhtta.
Influeansa njoammudávda lassána juovllaide, muhto ođđajagemánus buohccájit eanemus olbmot, dieđiha Álbmotdearvvašvuođainstituhtta.
– Influeansa ii leat vuos nu viidát njommon Norggas. Muhto dál oaidnit ahte lassána vahkkus vahkkui, mii muitala ahte lea boađi boađi. Ollugat soitet buohccát dáid juovlabasiid, muhto jáhkkit ahte easka ođđajagis buohccájit eatnasat, muitala Álbmotdearvvašvuođainstituhta ossodatdirektevra Siri H. Hauge.
Golgodávda ii bastán
Virus mii leavvá Norggas dál lea influeansa A (H3N2) ja influensa B/Yamagata, mii čuozai boarrásiidda hui garrasit diibmá.
– Leat vuorasolbmot geat šaddet duohtabuohccin dáiguin influeanssaiguin. Sáhttit vuordit ahte muhtumat šaddet buohccivissui ja ahte muhtin maid jápmá dainna influeanssain, muitala Hauge.
Iskosat čájehit ahte stuora oassái Norgga álbmogis ii bastán influeansa A (H1N1) ja A (H3N2) ovdal go áigodat álggii, mii sáhttá muitalit ahte dán jagáš buohcan ii šatta nu garas go mannan dálvvi.
Dehálaš boahkku
Hauge deattuha ahte boahkku lea buoremus vuohki movt eastadit dán golgodávdda, vaikko dán jagáš boahkku ii suddje nu bures daid virusiid vuostá mat dál jorret Norggas.
– Boahkuheapmi influeansa A (H3N2) ja influeansa B/Yamagata vuostá suddje unnán ja muttát. Muhto sidjiide geat leat riskajoavkkuin, lea boahkku dehálaš, dadjá Hauge.
(©NTB)
