Interreg Pohjoinen -prográmma Sámi hálddašankomišuvdna lea juolludan doarjaga «Muittut, muittulusat – the story of the Sámi by the Sámi» -fidnui. Fidnus leat mielde golbma sámemusea; Sámemusea Siida Anáris, Ruoŧa duottar- ja sámemusea Ájtte Johkamohkis, Máttásámi musea ja -kulturguovddáš Saemien Sijte Sneasas ja Lappi universitehta ja Luvlaja teknihkalaš allaskuvla.
Siida Sámi musea dieđiha preassadieđáhusa bokte ahte dát Interreg Pohjoinen -prográmma Sámi hálddašankomišuvdna lea juolludan doarjaga «Muittut, muittulusat – the story of the Sámi by the Sámi» -fidnui dahje prošektii. Bargoáigi lea ođđajagemánu 2020:s gitta 2022 čakčamánu lohppii.
Dát bargu lea árvvoštallojuvvon máksit oktiibuot sullii 2 miljon euro. €.
– Museat, mat leat fidnus mielde, leat guovddážis sámekultuvrra ovdabuktimis ja čájáhusgálvun bidjamis. Fidnus ráhkadit ođđa sámi museagiela, mainna sámekultuvra ovdanbukto museain ja čájáhusain dan iežas vuolggasajis. Fidnu ulbmilin lea nannet sámi identitehta. Museat leat maid mearkkašahtti galledanbáikkit iežaset guovlluin ja fidnus lea fitnodateallima geahččanguovllus mearkkašupmi olles davviguovllus. Ulbmilin lea, ahte fitnodateallin sáhttá atnit ávkin fidnu bohtosiid go ovddida bálvalusaid ja buktagiid, čilge Sámemusea Siida hoavda Sari Valkonen.
«Muittut, muittulusat – the story of the Sámi by the Sámi» -fidnu prošeaktahoavdan Sámemusea Siiddas lea álgán guovvamánu loahpas FM Eeva-Kristiina Harlin.
