Mannan vahkkoloahpa dárkkistedje politiijat rievssatbivdiid, golmmas váidojedje.
Čakčamánu 10. beaivve álggii rievssatbivdu Finnmárkkus.
Helikopteriin bearráigehčče
Finnmárkkuopmodat (FeFo) ja Stáhta Luonddubearráigeahčču (SNO) leat dárkkistan rievssatbivddu ja leat váidán golbma bivdi.
Bearráigeahčču čađahuvvui helikopteriin, čálla Finnmárkku politiijaguovlu twitteris.
iFinnmarken čállá ahte guokte bivdi eaba leat máksán bivdokoartta, ja goalmmát bivdi váido go galgá leat vuodján lobiheamet mohtorfievrruin meahcis.
Bivdit sáhttet šaddat sáhku máksit.
