-Almmuhus-
OĐĐASATGolbma olgoriikalačča gávnnahalle bargame lobi haga

Golbma olgoriikalačča gávnnahalle bargame lobi haga

-

-

Máhkarávjjus Finnmárkkus gávnnahalle golbma olgoriikalačča lobi haga bargame turistafitnodagain go čađahuvvui akšuvdna.

Dan akšuvnnas turistafitnodagaid vuostá Máhkarávjjus ledje mielde politiijat ja máŋga eará etáhta.

Finnmárkku poltiguovlu čállá preassadieđáhusas, ahte dat golbma olgoriikalačča leat ožžon dieđu, ahte sii sáddejuvvojit eret Norggas. 

 – Mihttun akšuvnnain lea gávdnat ja easttadit bargoeallinrihkus áššiid. Boađus čájeha ahte lea dárbu ain gozihit turismaealáhusaid Máhkarávjjus, čállá Finnmárkku politiijaguovlu iežaset preassadieđáhusas. 

 

Akšuvnnas mielde máŋga etáhta

Akšuvdna čađahuvvui duorastaga ja bearjadaga mannan vahkkus, ja lei ovttasbargu gaskal politiijaid, Vearroetáhta ja Bargobearráigeahču.

Akšuvnnas lei maid veahkkin politiijaid olgoriikaovttadat. 

 Akšuvdna čađahuvvui máŋgga fitnodagas Davvikáhpa gielddas. 

Bargobearráigehččui gávnnahalai okta fitnodat máksán beare unnán bálkká ovtta bargái.

Dat ordnašuvai dasttán. 

 

Eai dieđit registarii

Bargobearráigeahčču maid fuomášii ahte máŋga bargi eai leat dieđihuvvon bargoaddi-/bargiregistarii.

Dasa lassin lea Bargobearráigeahčču dáhtton iskojuvvon fitnodagaid sáddet dieđuid bálkkáid ja bargoáiggiid birra, nu ahte sáhttet gávdnot ain eambbo láhkarihkkumat.  

 

Barggahit bargiid lobihemiid

Bargobearráigeahčču lea maid ávžžuhan Davvikáhpa buollinčáskadan etáhta iskat buollinsihkarvuođa ovtta fitnodagas. 

– Ollu turisttat Davvikáhpas addet vejolašvuođa bargat geasset.

Muhto ollu turistafitnodagaid searvvis, mat barget albma láhkai, gávdnojit maid aktevrrat mat eai čuovo njuolggadusaid go barggahit olbmuid lobihemiid, dadjá politivuosttašbálvá, Theodor Weberg-Ellingsen, gii politiijaid bealis jođihii akšuvnna. 

 

Áigot jávkadit eahpeduođalaš aktevrraid

Akšuvnna čađahedje dat golbma etáhta, cavgileami ja goziheame vuođul.

Odne gozihit dárkilit Norgga rájiid dan hárrái ahte fuomášit vejolaš lobihis bargiid ja aktevrraid. 

Dán akšuvnna vuođul leat ge politiijat, Bargobearráigeahčču ja Vearroetáhta maiddái ožžon konkrehta dieđuid báikkálaš doaimmaid birra maid vuođul sáhttet dákkár váttisvuođaiguin bargat viidáseappot.  

– Akšuvnnain lihkostuvai bures. Dárkkisteamit váikkuhit ahte eahpeduođalaš turismmaaktevrrat jávkkodit, ja leat háhkan ollu dehálaš dieđuid. Bohtosat čájehit ahte lea dárbu čađahit eambbo dákkár dárkkistemiid bargoeallinrihkkosiid vuostá mat leat eahpeduođalaš turismmafitnodagain, dadjá  Weberg-Ellingsen loahpas preassadieđáhusas. 

-Almmuhus-