Ievttá árranságastallamis Guovdageainnus čalmmustahtti suohkan ahte Norggas gávdno golbma miljárddasaš ruhtaseahkka mas eaktodáhtolaš servviin leat buorit vejolašvuođat oažžut doarjaga. GEAHČA VIDEO:
Ievttá árranságastallamis Guovdageainnus čalmmustahtti suohkan ahte Norggas gávdno golbma miljárddasaš ruhtaseahkka mas eaktodáhtolaš servviin leat buorit vejolašvuođat oažžut doarjaga. GEAHČA VIDEO:
Guovdageainnu suohkan lei ikte bovden eaktodáhtolaš servviid árrangáddái ságastallamii. Ulbmilin lei oahpásmuvvat ja geahččalit oažžut ovttasbarggu gaskal servviid ja suohkana.
Árranságastallan lea oassi Olgguidallanjagis 2015, ja jurdda lea olggos kantuvrrain olgoáimmu ovddas deaivvadit ja ságastallat. Dollagáttis ságastalle álbmotdearvvašvuođa, doarjjaortnegiid ja suohkanplána birra.
Suohkana lagabui 100 eaktodáhtolaš servviin eai lean nu gallis boahtán.
Searválaga ohcat
Sátnejođiheaddji Klemet Erland Hætta lohká dál lei hui váttis áigodat máŋgasii, go olusat ledje dieđihan ahte livčče áigon boahtit, muhto ii heiven dán vuoru.
– Dát lei buorre álgu ja buorre oahppu, ja sávan ge dan šaddat jahkásaš dáhpáhussan Guovdageainnus, ja vaikke vel moatte geardde jagis. Lea dehálaš čoahkkanit juogadit jurdagiid ja ovddidit fálaldagaid suohkanis. Soaitá nu ahte jus searvvit ovttas ohcet ruhtademiid, de sáhttá álkibut oažžut doarjagiid, mii fas buktá ođđa doaimmaid ja fálaldagaid, lohká Hætta.
*/
Eai diehtan nie ollu ruhta
Tuvrrahasaid searvvi ovddasteaddjit eai lean árranságastallamis. Jođiheaddji Dagny sofie Aune lohká sii lávejit FeFo bokte ohcat doarjaga iežaset doaimmaide. Aune muitala son lea gullan dan «tilskuddsportalen» birra, muhto ii man ollu doppe lea ruhta.
– In heađisge leat gullan ahte nie ollu doppe lea ruhta, nu ahte jus min searvvis gávdnat buriid prošeavttaid, de gal várra ohcat doppe maid doarjaga, lohká son.
