Guokte máná leaba garrasit roasmmohuvvan ja leaba Romssa Universitehtabuohcciviesus, ja goalmmát mánná lea Hámmárfeastta buohcciviesus.
Guokte máná leaba garrasit roasmmohuvvan ja leaba Romssa Universitehtabuohcciviesus, ja goalmmát mánná lea Hámmárfeastta buohcciviesus.
Nuppi juovlabeaivvi, juovlamánu 26. beaivvi, ledje golbma máná skohterlihkuhisvuođas, geain guoktásiin leat 14-jahksáččat ja okta lea 9-jahkásaš.
Bieskkángeainnus
Heahteguovddáš oaččui dieđu lihkuhisvuođa birra, mii lei geavvan Vielenluohkás, gaskal Báhkiljoga ja Báktemohki ovdalaš diibmu ovtta ja guokte ambulánssa ja politiijat oasálaste gádjunbargui.
Vuolleahkásaččat
Lei iFinnmark neahttaáviisa gii álmmuhii áššis ovddemuš. Buot mánát leat vuollel 16-jahkásaččat, iige ovttasge leamaš vuodjinkoarta mohtorluohkás.
SeaKing ii beassan báikái
Vuosttaš dieđuid mielde lei maiddái SeaKing gádjunhelikopter gohččojuvvon lihkuhisvuođabáikái, muhto ii sáhttán girdit dohko heajos dálkki geažil ja fertii seaivut Kárášjohkii. Ambulánsa vieččai mánáid ja doalvvui helikoptera lusa.
Dan maŋŋel girdojuvvojedje vuos Porsáŋggu girdišilljui, gos sáddejuvvojedje viidáset buohcciviesuide.
Loga ášši birra eambo Ávvira gaskavahkku bábiráviissas.
