-Almmuhus-
SMÁVVAOĐĐASATGolbma logi mánáid­gárddis eai deavdde pedagoga­norpma

Golbma logi mánáid­gárddis eai deavdde pedagoga­norpma

-

-

Dál álggaha ráđđehus ođđa strategiija barggu mii galgá loktet mánáide buoret mánáidgárdefálaldaga. Dat bargu galgá earret eará veahkehit mánáidgárddiide eanet mánáidgárdeoahpaheaddjiid ja fágabargiid.

Masá 270 000 máná leat dál Norggas mánáidgárddis.

– Mánáidgárdi lea dat oassi oahpahusas mii mearkkaša eanemusat mánáid ja nuoraid ovdáneapmái. Dalle lea paradoksa ahte mánáidgárddiin lea gealbodássi vuolimusas, dadjá máhttoministtar Tonje Brenna (Ap) preassadieđáhusas.

Oahppodirektoráhta ođđa logut čájehit ahte leat eanet mánáidgárddit dál go diibmá mat devdet pedagoganorpmaid. Lea ain 30 proseantta mánáidgárddiin gos eai leat doarvái mánáidgárdeoahpaheaddjit mat devdet gáibádusaid, ja leat maiddái menddo ollu mánát juohke oahpaheaddji namas.

Ráđđehus háliida  eanet bargiid mánáidgárdái geain lea rievttes gelbbolašvuohta ja dainna loktet mánáidgárdefálaldaga.

-Almmuhus-