-Almmuhus-
OĐĐASAT Golbma geatkki báhččon dán jagi liseansa­bivddus

Golbma geatkki báhččon dán jagi liseansa­bivddus

-

-

Romssas godde golbma geatkki 2019/2020 liseansabivddus Romssa ja Finnmárkku fylkkas. Oppalaš earri lei 34 geatkki. Liseansabivdu bisttii guovvamánu 15. beaivái.

Romssa ja Finnmárkku fylkkamánni dieđiha ruovttusiiddustis mo manai dán dálvvi geatkki liseansabivdduin. Golbma geatkki lea báhččon, guokte ciikku ja okta varis, liseansabivdoáigodagas mii lei čakčamánu 10. beaivvis 2019 gitta guovvamánu 15. beaivái 2020. Dát golbma geatkki báhččojuvvojedje Omasvuona suohkanis ja Málatvuomi suohkanis. Oppalaš earri Romssas lei 12 geatkki. Finnmárkku earri lei 22 geatkki, muhto ii oktage geatki goddojuvvon. Romsa ja Finnmárku gullet boraspire 8 guvlui. Boraspireguovlu 8:s lea oktasaš mihttomearri galle geatkki sáhttet čivgat ja čivganlogu rádjá čuovvu ovddeš fylkkarájá  ja dáid geográfalaš guovlluide čujuhuvvo maid dán bivdoáigodaga 2019/2020  čállosis. 

- Advertisement -
-Almmuhus-