Sørkjosfjellet váris Ráissas gevve golbma biilla johtolatlihkohisvuhtii.
Golbma biilla ledje eske seahkánan biilalihkohisvuhtii E6 geainnu alde Ráissa lahka.
Tromssa politiijaguovlu dat dieđiha dán birra iežaset Twitteris. Sii ožžo dieđu dán birra ovdalaš diibmu 11. Sii eai loga ovttage olbmo gal roasmmehuvvan dán dáhpáhusas. Biillat gal dárbbašedje veahki biilagádjunbálvalusas.
– Okta biila lea galgan earránit eret E6 geainnus. Biila mii lei maŋis, ii nagodan goazastit doarvái, ja bonjastii baicca nuppe beallái. Doppe bođii biila ovddal, ja nu ledje golbma biilla dán lihkohisvuođas, muitala politiijabálvá Eivind Espenes Ráissa leansmánnikantuvrras Framtid i Nord- aviisii.
Dál leat buohkat guođđán báikki.
