-Almmuhus-
-Almmuhus-
OĐĐASATGolbma biilla dárkkistuvvo, buohkat sáhkkohalle

Golbma biilla dárkkistuvvo, buohkat sáhkkohalle

Journalista

-

-

Ikte leat geaidnopolitiijat dárkkistan johtolaga miehtá Finnmárkku.

Sihke Nuorta- ja Oarje-Finnmárkkus leat geaidnopolitiijat ikte dárkkistan johtolaga.

Vuos Lákkovuonbađas, Oarje-Finnmárkkus, gos golmmas sáhkkohalle. Eanemus leahttu lei 74 km/d luottas gos leahttomearri lea 60 km/d.

Politiijat čállet Twitteris ahte dat ledje dušše golbma biilla mat bohte dárkkisteami guora, ja buohkat sáhkkohalle.

Maŋŋelaš de dárkkistedje Álttás johtolaga luottas gos lei leahttomearri 70 km/d.

Golmmas doppe maid sáhkkohalle, ja ovtta biillas mihtiduvvui alimus leahttu 95 km/d.

 

14:s sáhkkohalle

Unjárggas, gos dárkkistedje johtolaga luottas gos lea 60 km/d leahttomearri.

Doppe ožžo guovttis álkessáhku go lei alla leahttu. Nuppis lei 69 km/d leahttu.

Maŋŋelaš ledje dárkkisteame ges eará sajis Unjárggas.

Čiežas sáhkohalle alla leahttu geažil. Eanemus leahttu maid mihtidedje lei 111 km/d luottas gos lei leahttomearri 80 km/d.

Deanus fas sáhkkohalle viđas, alla leahttu geažil.

Eanemus leahttu maid mihtidedje lei 95 km/d luottas gos lei leahttomearri 80 km/d.

 

-Almmuhus-