Norgga dállodoalut geavahedje badjel 99 miljárdda luopmoruđaid ruovtturiikkas 2017:s.
Olbmot geavahedje dan ruđa luomuide Norggas ja fievrrideapmái ja mátkefálaldagaide mat dolvo sin olgoriikii, čájehit Satelittregnskapet turismma gaskaboddosaš logut.
Turismagolaheapmi lea lassánan 1,6 proseanttain 2016 rájes.
Mátkefálaldagat lassánit
Go olbmot mátkkoštit girdiin ja fatnasiin dahje ostet mátkkiid mátkefálaldagaid bokte, de rehkenastojuvvo dat Norgga turismageavahussan vaikke vel mátki manná olgoriikii.
19 proseantta norgalaččaid luopmoruđas geavahuvvojedje mátkefálaldatbálvalussii, dá lea 4 proseantta lassáneapmi ovddit jagi ektui, čállá Statistihkalaš guovddášdoaimmahat.
Unnit idjadeamit ja guossoheapmi
Olbmot gávppašit biktasiid ja eará gálvvuid go luomostallet, dát golut loktejedje luopmoruđaid golaheami 0,6 proseanttain.
Vaikke ruhtageavaheapmi luomuide lassánedje, de geavahedje Norgga dállodoalut unnit ruđa sihke idjademiide ja guossohanbálvalusaide.
Olgoriikka turisttat geavahedje lagabui 53 miljárdda ruvnnu Norggas 2017:s, golaheapmi lassána 2,8 proseanttain.
