Jus leat juo diŋgon mátkki ja orruma Kiinnái, de gokčá dáhkádusfitnodat goluid go šattat máhcahit diŋgoma.
Norgga eiseválddit ávžžuhit ahte ii vuolggit dakkár guovlluide Kiinnás gos Coronavirus leavvá, ja danne lea dáhkádusfitnodat Tryg mearridan gokčat goluid mátkki ja orruma ovddas mat leat juo diŋgojuvvon. Eaktu lea ahte lea mátkedáhkádus Tryg fitnodagas ja ahte mátki lei diŋgojuvvon ja mákson ovdal ođđajagimánu 25. beaivvi.
Jus šaddá eváhkku guovllus, de gokčá dáhkádusfitnodat goluid ruovttu mátkái, dieđihit sii preassadieđáhusas.
