-Almmuhus-
-Almmuhus-
-Almmuhus-
OĐĐASATGohčču Ruovttu­suodjalusa leat gearggu­sin 

Gohčču Ruovttu­suodjalusa leat gearggu­sin 

-

-

Politiijat soitet dárbbašit veahki Ruovttusuodjalusas. 

Seammás go hárjehusaid lea maŋidan, de lea Ruovttusuodjalus (HV) ožžon dieđu politiijain ahte soitet dárbbašit sin veahki dán koronadilálašvuođa dihte. Romssas ja Finnmárkkus lea ain militearaveahka olgun. 

– Jus politiijaresursa unnu dán dilálašvuođa dihte, de sáhttet jearrat veahki Suodjalusas, muitala Ruovttusuodjalusa gulahallanjođiheaddji Per Gunnar Grosberghaugen Bergens Tidenii. 

Grosberghaugen muitala ahte sii ságastallet politiijaiguin ja fylkkamánniin. 

– Lea diehttelasat eambbo intensiiva ságastallan politiijaiguin go leat dákkár dilálašvuođas, dadjá Grosberghaugen. 

Seammás leat mearridan ahte Ruovttusuodjalusa hárjehusat, hárjehallamat ja kurssat leat maŋiduvvon miessemánu 1. beaivvi rádjái.  

– Dan mii dahkat danne go háliidit váldit vára iežamet bargiin ja doalahit operatiiva návccaid, muitala Ruovttusuodjalusa jođiheaddji generálamajora Elisabeth Michelsen preassadieđáhusas. 

Siviilasuodjalus lea maiddái bissehan siskkáldas kurssaid ja hárjehallamiid. 

– Lea deháleabbo bissut dearvvašin ja operatiivan dán áigodagas go hárjehallat. Mii máhttit iežamet barggu, muitala Stein Morten Rønningen Ruovttusuodjalusas Bergens Tidende aviisii. 

(©NTB)

-Almmuhus-