Girkonjárgga politiijat jotket goddindáhpáhusa dutkama, ja muitalit ahte eai leat ođđa dieđut almmuhit áššis.
Girkonjárgga politiijat jotket goddindáhpáhusa dutkama, ja muitalit ahte eai leat ođđa dieđut almmuhit áššis.
Politiijameašttir Ellen Katrine Hætta vástida jearaldahkii go goddon nisu galgá leat váldán oktavuođa politiijaiguin mannan vahkku:
– Politiijain lea leamašan oktavuohta nissoniin guktii mannan vahkku, gaskavahkku ja bearjadaga. Gaskavahkku válddii nisu oktavuođa politiijain go ii beassan sisa iežas ásodahkii ii ge gávdnan čoavdaga. Son bivddii politiijain veahki, ja go politiijat bohte báikái, de gávdnojedje čoavdagat, muitala politiijameašttir.
– Go nisu ságastalai politiijaiguin, de oaččui nisu dieđu ahte jus sus leat eará áššit muitalit, de ferte váldit oktavuođa fas politiijain, muitala politiijameašttir.
