-Almmuhus-
OĐĐASATGoddin­ášši Gironis: Ii geahčča­luvvo alimus­rievttis  

Goddin­ášši Gironis: Ii geahčča­luvvo alimus­rievttis  

-

-

Suoidnemánus 2019 láhppui okta 29- jahkásaš almmái Gironis. Son gávdnui goddon golbma vahku maŋŋel Parakka gilážis olggobealde Vazaža. Dal ášši ii geahččaluvvo alimusrievttis. 

Golbma olbmo váldojuvvoje giddagassii borgemánus 2019 Gironis. Dat Girona olbmot ledje gaskal 30-39  jahkásaččat, sii navdojuvvoje goddán dan 29 jahkásačča ja cahkkehan rupmaša buollit. 

Politiija iskosat čájehit ahte dát golbma olbmo cábme ja godde 29-jahkásaš olbmá Gironis.  Njukčamánus 2020 dat golmmas dubmehallojedje lágamánnerievttis goddán dan 29 jahkásaš gironlačča.

Sii dubmehalloje lágamánnerievttis 17 jahkái giddagassii. 

Albmát váide ášši Ruoŧa alimusriektái, muhto alimusriekti dieđihii ikte ahte eai geahččal ášši.  

– Mii leat ollen lohppii dán diggeáššis ja dat lea váidon muhto alimusriekti ii geahččal ášši ja dat lei vurdon, dadjá áššeguoddi Henrik Wallin SVT Norrbottenii. 

-Almmuhus-