Dán oainnát Romssa museas.
Diimmá giđa válddii Romssa musea vuostá ovtta goavdása mii gávdnui Hilleshamnas Rivttáin.
Dál sáhttá oaidnit ja gullat dan Romssa museas.
– Lea hui erenoamaš dáhpáhus go dat gávdnui, muitala konserváhtor Dikka Storm, Romssa museas.
Guovddážis sámi oskkus
Dat ealaskáhttá historjjá dan vuosttaš mišuvnna birra go mišuneara barggai Thomas von Westen ovddas álggus 1700-logu Lulli-Romssas.
Goavddis lei guovddážis sámi oskkus, ja mišunearat áigo danne duoguštit rumbbuid. Hilleshamn rumbu čihkkui.
– Guokte ruossa, okta olggobealde ja okta siskkobealde rumbbu, sáhtta muitalit oskučoakkálmasaid birra čilge professor Trude Fonneland.
Erenoamáš herven čájeha ahte dat lea geavahuvvon guhkit áiggi.
Dasa lassin go das leat čuhppon hearvvat, leat das guokte ráiddu main ráiggit dakko gokko sistti leat darvehan, dat čájeha ahte sisti lea darvehuvvon guovtti áigodagas.
