-Almmuhus-
SMÁVVAOĐĐASATGoasii bealli Kárášjoga álbmogis lea boahku­huvvon

Goasii bealli Kárášjoga álbmogis lea boahku­huvvon

-

-

Boahttevaš vahkkuid galget vuoruhanjoavkkut 9 ja 10 oažžut vaksiidnafálaldaga.

Kárášjoga gieldda neahttasiiddus čuožžu ahte 25. ja 26. vahkku rájes ožžot sii vaksiidnafálaldaga geat leat ovccát ja logát vuoruhanjoavkkus. 9. vuoruhanjoavkkus leat 45-54 jahkásaččat ja 10. vuoruhanjoavkkus leat 18-24 jahkásaččat ja 40-44 jahkásaččat. Gielda doaivu ahte buohkat dáin guovtti joavkkuin galget leat ožžon fálaldaga maŋimusat 28. vahkkus.

Gielda bivdá maid váldit oktavuođa sin geat leat badjel 55 jagi (8. vuoruhanjoavkkus) ja eai leat ožžon vuosttaš dosa.

VG koronaloguid mielde leat Kárášjogas 2189 olbmo boahkuhuvvon. 48,4 proseanta lea ožžon vuosttaš dosa ja 34,5 proseanta lea ollásit boahkuhuvvon.

-Almmuhus-