-Almmuhus-
OĐĐASAT– Goappašagain manná oalle bures

– Goappašagain manná oalle bures

-

-

Gávvuona-tunneallas Álttás lea leamaš biilalihkohisvuohta.

Politiijat dieđihit guokte olbmo leamaš lihkohisvuođas. Oarje-Finnmárkku politiijaguovllus muitalit personbiilavuoddji leat sáddejuvvon iskkadeapmái Áltá dearvvašvuođaguovddážii. 
– Biilavuoddji logai bákčasiid alddis, nu ahte son lea iskkadeapmái sáddejuvvon. Guorbmebiillavuoddji lei dušše suorganan, dadjá Andreas Vesterhus Oarje-Finnmárkku politiijaguovllus ja joatká:
– Ii lean lihkkus stuorra lihkohisvuohta, nu ahte goappašat vuddjiin manná oalle bures. 

 

Lihkohisvuohta

Diibmu 09.42 dieđihedje Oarje-Finnmárkku politiijat twittera bokte ahte Gávvuona-tunneallas lea leamaš biillalihkohisvuohta. Guorbmebiila ja personbiilla leat beaškkihan oktii, politiijat eai vuos diehtán lea go oktage roasmmehuvvan. Politiijat ja buot heahteveahkit ledje dalle jođus báikái.

Lihkohisvuohta deaividii olggobealde tunnealla Gávvuona bealde, dieđihit politiijat.

Biillat fertejit vuodjit Gávvaávžži bokte go tunnealla lea gitta. 

 

Ávvir čuovvu ášši.

Leat go báikkis? Váldde oktavuođa minguin tlf: 934 40 700 bokte, dahje sáddes gova redaksjonen@avvir.no čujuhussii.

 

-Almmuhus-