«Elin & The Woods» šattia goalmmádin Melodi Grand Prix gilvvus. Dan seamma šattai Jon Henrik Fjällgren Ruoŧa beale gilvvuin.
«Elin & The Woods» šattia goalmmádin Melodi Grand Prix gilvvus. Dan seamma šattai Jon Henrik Fjällgren Ruoŧa beale gilvvuin.
Lávvordaga eahket lei sihke Norgga Melodi Grand Prix(MGP) gilvu, ja Ruoŧa Melodifestivalen gilvu.
Kárášjohkalaš Elin Kåven searvvai MGPii su ođđa joavkkuin «Elin & The Woods». Lávlagiin «Oadjebasvuhtii» šattai joavku goalmmádin MGP finálas.
JOWST joavku vuittii MGP, «Grab The Moment» lávlagiin.
Ii šaddan sámi deaivvadeapmi Kievas
Lei doaivva ahte livčče sáhttit šaddat sámi finála Eurovisionas, go sihke Norggas ja Ruoŧas ledje sámi artisttat mielde.
Ruoŧa gilvvuin lei Jon Henrik Fjällgren mielde.
Odne čielggai ahte ii goabbá ge sámi artista beasa Kievii, Ukrainai searvat Eurohpá gilvvuide.
Jon Henrik Fjällgren ja Aninia šattaiga maid goalmmádin.
Beasai gollefinálii
Elin & The Woods lei okta njealji joavkkus geat besse MGP gollefinálii.
Dohko lei Eurohpá jury ja álbmot jienastan vuitiid.
Go gollefinála oasseváldit almmuhuvvojedje, galggai álbmot ođđasit jienastit gean háliidit Norgga ovddasteaddjin Eurovision gilvvus.
Diimmá vuoiti
Elin Kåven ii lean áidna sápmelaš MGP lávddi alde dán jagi.
Diimmá MGP vuoiti, Unjárgalaš Agnete Johnsen guoimmuhii bottus, ja lávllui diimmá vuoitolávlaga «Icebreaker».
