-Almmuhus-
-Almmuhus-
OĐĐASAT Goalša­seamos miesse­mánnu 1997 rájes

Goalša­seamos miesse­mánnu 1997 rájes

-

-

Eanaš guovlluin riikkas lei čoaska miessemánnu, Romssas ja Finnmárkkus ges lei lieggaset go dábálaččat.

Meteorologalaš instituhtta dieđiha ahte dán jagi lei čoaskáseamos miessemánnu mii lea leamaš 1997 rájes. Vestlánddas, Møre ja Romsdalas, Trøndelágas ja Nordlánddas lei temperatuvra golbma gráda galbmaset go dábálaččat láve miessemánus. Máŋggaid meteorologalaš stašuvnnat Møre ja Romsdalas ja Trøndelágas maid čájehedje sullii golmma geardde eambbo njuoskkádaga go muđui láve miessemánus.

Mánnosaš temperatuvra riikadásis lei 1,1 gráda galbmaset go dábálaččat. De šattaige dán jagi galbmaseamos miessemánnu mii lea leamaš 1997 rájes.

Muhtin stašuvnnain nuorttabealde Romssa ja Finnmárkku čájehii ahte lei olles 1,5 gitta 2 gráda lieggaset go dábálaččat láve miessemánus.

Lieggaseamos guovllut miessemánus ledje Askeris, Sarpsborgas, Mossas ja Drammenis, gos lei gaskamearálaččat badjelaš 10 gráda. Vaikke lei liekkas dain guovlluin, de lei aŋkke galbmaset go muđui láve. 

- Advertisement -
-Almmuhus-