Goalmmát oassi girjeráiddus lea olbmuid birra.
– Eallinvuogit ja fuolkevuođat, čállá Tåssåsen čearru preassadieđáhusa bokte.
Dan golbma girjji redaktevra lea Ewa Ljungdahl. Vuosttaš girji dán girjeráiddus lea skuvlavázzima ja árbevirolaš gelbbolašvuođasirdima birra, nubbi fas Tåssåsen-sápmelaččaid orrunbáikkit ovdal ja dál. Goalmmát girji, mii dál lea almmuhuvvon, lea olbmuid birra, olbmot geain lea leamaš gullevašvuohta Tåssåsena čerrui dahje Ovikenii, cealká preassadieđáhusas.
– Girjjis leat iešguđet artihkkalat olbmuid birra geaid namat ánssášit eallit viidáseappot. Muđui leat girjjis olu miellagiddevaš persovnnalašvuođat geain lea čanastat čerrui, sávvamis lea vel joatkka dán girjjis.
