Ikte searvvai Joachim Olsen MN State Regional skohtergilvvuide, Minnesotas ja gárttai goalmmádin Pro lite luohkás.
Ikte searvvai Joachim Olsen MN State Regional skohtergilvvuide, Minnesotas ja gárttai goalmmádin Pro lite luohkás.
Ikte searvvai Joachim Olsen MN State Regional skohtergilvvuide gos gárttai goalmmádin Pro lite luohkás.
– Sáhtán lohkat ahte lean duđavaš otná beivviin. Vuosttaš vuodjimis ledjen 3-4 álggus, joksen earáid ja ledje nubbin go ovtta bovnnas bártidin veahá, gárten goittot goalmmádin mollii. Nuppi heatas ledjen njoahci álggus, várra ledjen maŋimusaid searvvis muhto nagodin goittot ge viđádin vuodjit mollii, čálii Olsen iežas joavkku facebook-siiddus ikte eahkes.
Vujii buot maid nagodii
Goalmmát oasis ja loahppagilvvus gal dattege birgii buorebut, vaikke ieš ii lean dan navdán:
– Čužžon jieŋa alde ja ledjen maŋimusas, jurddašin dušše «ii, ii, ii, viđa vuorus ii geargga gal áktánasat maidege. Nu ahte vudjen buot maid nagodin, ja joksen daid earáid ovttaid mielde. Jođánit ledjen jo njealjádin, nubbin maŋimus vuorus de jurddašin; «dál dahje ii goassege» ja de nagodin joksat vel ovtta nu ahte ollejin mollii goalmmádin, čálii Olsen ikte.
Oktiibuot de gárttai son goalmmádin ievttá gilvvuin ja dainna gal lea ieš duđavaš.
Bearjadaga ja lávvardaga searvvai son «Isoc national Amsoil snocross» gilvvuin, bearjadaga bártidii ja lávvardaga ii beassan gitta loahppagilvvuide.
