Goalmmátoassi sápmelaččain dieđihit ahte leat vealahuvvon maŋimuš guovtti jagis. Dat boahtá ovdan ođđa raporttas.
Oktiibuot 21 000 olbmo Romssa ja Finnmárkku fylkkas leat vástidan gažaldagaide eallinlági, giela, kultuvrra ja dearvvašvuođa birra, NRK dieđuid mielde.
Boađus čájeha earret eará ahte okta golmma sápmelaččas lea vásihan vealaheami maŋimuš guovtti jagis. Eatnašat dieđihit ahte leat vealahuvvon sin sámi duogáža dihte.
– Dat lea ahkit. Ain doivot ahte nubbi lea buoret go nubbi. Mii fertet bargat garraset diekkár miellaguottuid vuostá, dadjá Sámi dearvvašvuođadutkama guovddáža fágalaš jođiheaddji Ann Ragnhild Broderstad.
Raportta lea Sámi dearvvašvuođadutkama guovddáš dahkan Romssa ja Finnmárkku fylkkagieldda ovddas.
Dan čállá NTB.
