Ii okta ge leat vel lihkostuvvan vástidit riekta árvalusaid, leago son Ristenis buoret lihkku?
Namma: Risten Turi Aleksandersen
Ahki: 37
Guovlu: Guovdageaidnu
Bargu: Bargá Gáldus
Álggos leat golbma gažaldaga, jus daid máhtát, de manat viidáseappot gilvvus.
1. Man olu gaskamearálaččat borrá norgalaš moniid jagis? 3, 7 dahje 11 kg?
– Man olu son okta monni deaddá? Hmm. Árvidan 11 kg.
2. Sámi Grand Prix lávddi alde lea gullon sihke eŋgeliid birra geat lávllodit ja juoiggadit. Gii lávllui eŋgeliid birra mat lávllodit?
– Dat lei Johan Kitti.
3. Goas leat hellodagat? 5, 6 vai 7 vahkku maŋŋel beassážiid?
– Dajan 6 vahkku, fástida Risten.
Rivttes fástádus: Čieža vahkku maŋŋel beassážiid.
Go Aleksandersen ii fástidan riekta buot golbma vuosttaš gažaldaga, de ii beassan viidáset dán gilvvus. Son dattetge beassá geahččalit fástidit árvalusa mainna sáhttá fásket 5, 10 dahje 15 čuoggá. Dát lea dan duohken makkár ivnni vállje. Rukses árvalus lea váddáseamos, ja jus dan fástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.
Risten vállje alit ja mii jearrat sus dán árvalusa:
Deanu gielddas lea 5 % ássiin čiegus telefunnummar. Jus don telefunkatalogas summal válljet 100 telefunnummira, man galle telefunnummara leat gaskamearálaččat čiegusnummara de?
– Go lea čiegus nummir, de ii sáhte čuožžut telefonkatalogas, fástida Risten.
Galle čuoggá oktiibuot: 12 čuoggá.
Risten lea dat vuosttaš dán jagáš geassegilvvus gii lea fástidan árvádusa riekta ja sus leat 12 čuoggá ja lea njunnošis dál.
– Maid faskejin go 12 čuoggá? De gal lean čáskán iežan hoavdda Láilá Susanne Vars gii leamaš njunnošis.
Juohke gilvaleaddji beassá hástalit ođđa gilvaleaddji Ávvira geassegilvui. Risten hástala isidis Reiulf Aleksandersena searvat dán gilvui.
Njunnošis 12 čuoggáin: Risten Turi Aleksandersen
Geassegilvu lea maiddái deaddiluvvon otná báberaviisii.