-Almmuhus-
-Almmuhus-
VALÁŠTALLAN Glássafabrihkka sponse Romssa NM-heargegilvvuid

Glássafabrihkka sponse Romssa NM-heargegilvvuid

-

-

Hadeland Glassverk ja Porsgrund Porselen nammasaš glássafabrihkat sponsejit Norggameašttirgilvvuid heargevuodjimis mat leat Romssas, maid maiddái BBC tv-kanála gokčá.

Hadeland Glassverk ja Porsgrund Porselen sponsejit Norgga meašttirgilvvuid heargevuodjimis Tromssas.

– Mii leat hui duhtavaččat dainna golmma jagáš šiehtadusain masa mii leat vuolláičállán, go dat sihkkarastá midjiide dakkár vuoittuid maidda buohkat liikojit, dadjá Nils I. Hætta Nordlys aviisii maid Ringblad aviisa čállá.

Hætta lea Midnight Sun Marathon beaivválaš jođiheaddji, mii lágida sámi vahkku ja Norgga meašttirgilvvuid heargevuodjimis Romssa gávpotguovddážis guovvamánu 6. ja 7. beaivvi.

Dan seamma aviisii dadjá maid Geir Hay, gii lea account manager sihke Hadeland Glassverkas ja Porsgrund Porselenas:

– Mii leat dál vuoruheamen Davvi-Norgga, ja leat álggaheamen gávppiid sihke Bådåddjui, Romsii ja Finnmárkui. Midjiide lea máilmmi vuogas vejolašvuohta ovttasbargat MSM:in NM-heargegilvvuid oktavuođas.

BBC lea maid dieđihan boahtit NM-heargegilvvuide, dieđiha Nordlys aviisa.

 

- Advertisement -
-Almmuhus-