Ollu mánát geat givssiduvvojit dahje leat givssiduvvon, eai oaččo dan čuovvoleami masa sis lea dárbu.
Oahpahus- ja dearvvašvuođadirektoráhtat leat ráhkadan rapportta movt váldit vára mánás gii vásiha givssideami, ja Læringssenteret ja Regionalt kunnskapssenter for barn og unge leat hábmen raportta, čállá Dearvvašvuođadirektoráhtta.
Heivehit veahki iešguđet ládje
Raporttas boahtá ovdan ahte ollu mánát eai oaččo dan čuovvoleami maid sii dárbbašit. Leat mánát geat eai muital givssideami birra rávisolbmuide, dahje geat vásihit ahte ii okta ge jáhke sidjiide. Leat maiddái mánát geat eai oaččo veahki loahpahit givssideami go dáhpáhuvvá, dahje eai oaččo veahki gieđahallat givssideami váikkuhusaid.
– Lea dárbu iešguđet ládje gieđahallat sin geat vásihit givssideami , lohká Dearvvašvuođadirektoráhta ossodatjođiheaddji Ellen Margrethe Carlsen.
– Dán joavkkus leat sihke sii geat vásihit duođalaš dearvvašvuođaváikkuhusaid guhkit áigge givssideami dihte ja sii geat dárbbašit veahki skuvlabirrasii fas sosialiserejuvvot, muitala Carlsen.
Veahkehit gitta givssideapmi lea nohkan
– Raporta lea čielggas ahte lea dehálaš rahčat bargguin vai mánát ja nuorat dieđihit givssideami birra rávisolbmuide. Sii geat vásihit givssideami fertejit oažžut dan veahki gitta sus lea fas buorre dilli ja givssideapmi lea loahpahuvvon, lohká Carlsen.
Oahpahusdirektoráhtta ja dearvvašvuođadirektoráhtta áigot čakčii lágidit fágaseminára movt veahkehit ja čuovvolit mánáid ja nuoraid geat vásihit givssideami.
