Olmmáivákki lunttat muitaleaba iežaska somámus Riddu Riđu-fearána birra
Olbmášguovttos Ken Tore Larsen ja Kevin Eriksen leaba goappašagat eret Olmmáivákkis, ja leaba Riddu Riđđu doaluin leamašan juo olles 25 háve, dahje olles sudno eallinagi.
– Festiválas lea nu somá humadit iežame oahppásiiguin geaid ean šatta álo oaidnit, muitaleaba Larsen ja Eriksen.
Buoremus muitu
– Munno buoremus Riddu Riđđu muitu gal ferte leat dán háve go Kevin čohkkái hoiganjoris ja čuojahii gitárain ja lávllodii, ja nu mun de hoigen su miehta festivála, muitala Larsen ja boagusta njálgát.
– Juo, dalle gal olbmot gehčče munnuide veahá ártegit, muhto hui oallugat lávlo ja boagustedje munno fárus, lasihaste Eriksen.
