-Almmuhus-
-Almmuhus-
-Almmuhus-
OĐĐASATGirona gielddas: Čieža olbmui njommon korona bargo­báikkis

Girona gielddas: Čieža olbmui njommon korona bargo­báikkis

-

-

Mannan vahkkus dieđihii Regiovdna Norrbotten ahte korona njoammon njiedjá, muhto muhtin bargobáikkis Girona gielddas lea dávda njommon čieža olbmui.

Čieža olbmos lea duođaštuvvon korona maŋŋá go dávda njoamui muhtin bargobáikkis Girona gielddas.  Maiddái bargoolbmuid oapmahaččaide lea njommon dávda seamma njoammunbálgás ja maid guokte eará olbmui mat eai gula Girona gildii, dieđiha Regiovdna Norrbotten. 

Korona njoammunlogut njidjet gal olles Norrbottena leanas.

Manna vahkkus borgemánu loahpageažis gávdnui korona ovta olbmos Johkamohkis ja ovttas Lulejus. Eará oktanuppelogi gielddas ii leat gávdnon korona mannan vahkus čájeha Regiovdna Norrbotten raporta.

Oktiibuot leat dal 1687 olbmos duođastuvvon koronadávda leanas dan rájes go dávda njoammugođii njukčamánus. 

-Almmuhus-