-Almmuhus-
OĐĐASATGirku ii hilggo dorvoohcciid

Girku ii hilggo dorvoohcciid

-

-

Girkonjárgga girkus leat dál golbma girkoasylantta

Mátta-Várjjaga searvegodderáđđi duođaštii ikte preassadieđáhusa bokte, ahte Girkonjárgga girkus leat golbma olbmo geat leat Syrias eret, girkoasylantan.

– Searvegodderáđđi ii hálit hilgut olbmuid girkus. Dál gulahallagoahtit singuin čielggadan dihtii makkár dárbbut ja sávaldagat sis leat, čállet sii.

 

Loga maid: Ruošša busset boahtán, dorvoohccit báhtaran 

 

NOAS (Norgga organisašuvdna dorvoohcciide) gulahallá dán golbma girkoasylanttain.

– Politiijaide lea maid dieđihuvvon dán dili birra, čállá searvegodderáđđi.

 

Mátta-Várjjaga searvegodderáđđi plánegoahtá dál mo vuhtiiváldet dili praktihkalaš beliid. Dán ášši birra sáhtát maid eanet lohkat lávvardaga báberáviissas.

-Almmuhus-