-Almmuhus-
OĐĐASATGirkočoahkkin lea gárveme ođđa liturgiija mii heive buohkaide

Girkočoahkkin lea gárveme ođđa liturgiija mii heive buohkaide

-

-

Girkočoahkkimis mearridit dál makkár čállosiid ja sániid geavahit go galget homofiillaid vihahit.

– Ollugat leat dadjan ahte leat ilus go áššis dahkko mearrádus dál. Muhtimat leat sávvan ahte eai šat dárbbat geavahit nu ollu energiija dán áššis, muitala Girkočoahkkima jođiheaddji Kristin Gunleiksrud Raaum NTBii.

– Earát leat behtohallan ja lohkán ahte sii áigot joatkit vuosttaldit mearrádusa. Dasa lea maid sadji, joatká Raaum.

 

Gárveme čállosiid
Boahtte vahkku lágiduvvo Girkočoahkkin Troandimis, ja lea vuosttaš girkočoahkkin maŋŋel go girku ii leat šat stáda vuolde. Bajimus orgána Norgga Girkus mearridii diibmá hábmet ođđa liturgiija. Evttohusat leat dál leamaš gulaskuddamis, ja buvtta ollašuhtto go ođđa liturgiija váldo vuhtii.

Liturgiija čilge movt vihaheapmi galgá čađahuvvot, ja makkár biibbalvearssaid sáhttá geavahit. Ođđa vihahanrituála lea oalle ovttalágán go dat boares, muitala Raaum, muhto báhpat ožžot eanet teavsttaid maid sáhttet válljet. Boares liturgiija sáhttá ain geavahit.

 

Galgá heivet buohkaide
– Dál deattuhuvvo ahte náittosdilli lea oktavuohta guovtti olbmo gaskkas, ja das deattuhuvvo ráhkisvuođa mearkkašupmi, lohká Raaum.
Son lohká ahte lea dehálaš ahte ođđa liturgiija sáhttá heivet buohkaide, nu ahte ii šatta lassi liturgiija homofiila báraide.

Homofiila bárat besset dál náitalit girkus, nu go eará bárat.
Báhppa sáhttá gal biehttalit vihahit báraid geat leat seamma sohkabealis, muhto dat ii galgga bissehit báraid vihahuvvot dan girkus gos háliidit. (©NTB)

 

-Almmuhus-