-Almmuhus-
-Almmuhus-
-Almmuhus-
OĐĐASATGirkočoahkkin doarju ILO 169

Girkočoahkkin doarju ILO 169

-

-

Ruoŧa girku lea mearridan doarjut ILO 169 ratifiserema Ruoŧas.

ILO 169 soahpamuš álgoálbmotrivttiid birra lea ášši mii lea symboliseren dan guovtteoaivilvuođa mii lea eananvuoigatvuođaid dáfus davvi Ruoŧas. Nu lea ge dát báhkka ášši man Ruoŧa Girku lea meannudan.

 

Odne jienastii girkočoahkkin dán alde, ja 139:s dorjo ILO 169, 79:s ledje vuostá ja 25 orro jienaskeahttá. Maŋŋil jienasteami doško olbmot gieđaid, čállá oddasat.se.

Olle Burell ja Johan Åkesspn dat leigga evttohan ahte Ruoŧa Girku galgá ávžžuhit riikkabeaivvi ja ráđđehusa ratifiseret álgoálbmotsoahpamuša.

 

Hilgo diibmá

Jagi áigi hilggui girkočoahkkin sullasaš árvalusa, ja dat bovttii garra reakšuvnnaid.

Olu sápmelaččat guđđe dalle girku, ja girku ovddasteaddjit šadde garrasit deattuhit ahte girku bargá sámi vuoigatvuohtaáššiiguin.

-Almmuhus-