Sotnabeaivvi diibmu 13.00 čuodjagohtet girkobiellut miehtá riikka. Dainna dáhttot čájehit oktiigullevašvuođa Ukraina álbmogin.
– Olles máilbmi lea hirpmahuvvan maŋŋel go Ruošša fallehii Ukraina. Soahti čuohcá buohkaide, ja dat guoská maiddái searvegottiide ja nationála girkolaš searvevuhtii. Mii dáhttut čájehit oktiigullevašvuođa ukrainalaččaide geat gillájit soađi ja daidda geat leat gártan báhtarit balu geažil. Mii rohkadallat sin ovddas ja čájehit doarjaga sidjiide go čuojahit girkobielluid sotnabeaivvi, lohká Norgga girku preses Olav Fykse Tveit preassadieđáhusas.
Norgga girku bismmat ja Norgga risttalaččaid ráđđi ávžžuhit girkuid čuovvolit solidaritehtačalmmusteami ja čuojahit girkobielluid čieža minuhta sotnabeaivvi diibmu 13.00.
