Finnmárkku fylkkagirjerájus juohká girjerájusbálkkašumi 2015 Muosáid álbmotgirjerádjosii go lea nagodan mannat rávnnji vuostá.
Finnmárkku fylkkagirjerájus juohká girjerájusbálkkašumi 2015 Muosáid álbmotgirjerádjosii go lea nagodan mannat rávnnji vuostá.
Girjerájus oažžu bálkkašumi iežaset movttiidahtti doaimma ovddas, danne go lea ávki vaikko lea unni, ja dan dihte go gielda lea vuoruhan girjerádjosa vaikko leat máŋga ekonomalaš beali maid ferte vuhtii váldit gielddas.
Girjerádjosat galget leat iešheanálaš deaivvadanbáikin sihke almmolaš ságastallamiin ja digaštallamiin. Muosáid politihkkarat ja hálddahus leat vuoruhan girjerádjosa gielddas, ja dan ovddas ánssášit sii rámi.
Eanet geavaheaddjit
Girjerádjosiid ođasmáhttin ja divodeapmi buktá fas eanet geavaheami. Diibmá láigohedje girjjiid Muosáin 37 proseantta eanet go muđuid Finnmárkkus. Ii leat dušše dan dihte go leat ođđa lanjat Muosáin, muhto doppe leat maid ollu doaimmat čađahuvvon diibmá. Giellakaféa, bowlen girjerádjosis, válgadigaštallan, lohkanveahkkeortnet, girjerájusidjadeapmi, boarrásiidsurf, lohkan-akšuvdna ja vaikko man ollu čájáhusa, ovttas mánáidgárddiiguin, skuvllain ja báikkálaš servviiguin. Doaibmalistu lea guhkki, ja nu go ieža lohket, «mis ii leat láittas dáppe girjerádjosis áhpegáttis».
Rávnnji vuostá
Muosát manai rávnnji vuostá ja doalai girjerádjosa rabas lávvordagaid maid čakčat. Muosáid gielda lea oaidnán ahte girjerájus ferte leat rabas daid áiggiid go olbmot astet fitnat doppe.
Finnmárkku fylkkagirjerájus lea guhkit áiggi mearkkašan girjerájusjođiheaddji Lillian Jacobsen ja su barggu Muosáid girjerádjosis. Son lea garrasit ja bures bargan, ja ánssáša ollu rámi, čállá Finnmárkku fylkkagielda preassadieđáhusas.
