Dan rájes go Girjebussemátki fáhkka, njukčamánu 12. beaivvi, bissehuvvui Plassje ja Engerdal mátkkis, de lea Girjebusse leamaš bussevuorkkás. – Muhto dál beassat fas gilvigoahtit lohkanilu mánáid ja nuoraid gaskkas miehtá Trøndelága.
– Borgemánu 31. beaivvi vuodjigoahtit fas girjebussiin, ja jus dilli ii hedjon, de čuovvut čavčča mearriduvvon vuodjinplána, lohká Trööndelagen fylhkentjïelte Frode Pettersen, gii lea Trøndelága fylkkagirjerádjosa kultur- ja álbmotdearvvašvuođa IKT-ossodaga neavvu.
Son muitala sii leat dál bidjan njoammuneastadandoaimmaid johtui girjebusses nu ahte olbmot eai dárbbaš ballat dávdda njoammumis sidjiide.
* Mehtera gaska guossis ja busse bargis. Ieš ferte dan árvvoštallat.
* Jus háliidat, de sáhtát oažžut njálbmesuoji bargiin.
* Girjjiid luoikan ja buktin galgá eanaš dahkkot busse luoikkahanautomáhtas.
* Lea biddjon pleksiklássa diskka bokte.
* Giehtaspriita lea olgouvssa bokte. Buot guossit galget dáhtokeahttá bassat gieđaid antibacain ovdal go bohtet bussii ja ovdal/maŋŋá go luoikkahanautomáhta lea leamaš anus. * Buot bajildusat ja sajit maidda sáhttá guoskat, bassojuvvojit dávjá, unnimusat oktii juohke bussebisáneamis. * Jus oktage bargi dovdá iežas illávejiid bussemátkkis, de máhccá Girjebusse vajut Troanddimii. * Dát doaimmat leat sáddejuvvon buot skuvllaide gos Girjebusse fitná ja juohke skuvla lea dohkkehan ahte busse sáhttá boahtit.
