-Almmuhus-
SMÁVVAOĐĐASATGirjása čearu advokáhtta oažžu bálkka­šumi

Girjása čearu advokáhtta oažžu bálkka­šumi

-

-

Ruoŧa Sámiid Riikasearvvi jahkečoahkkimis Syöldahtes oaččui Girjása čearu advokáhtta Peter Danowsky gudnebálkkašumi.

Danowsky lea láiden Girjása čearu olles 12 jagi guhkes riekteproseassa čađa, dieđiha Ruoŧa Sámiid Riikasearvi preassadieđáhusas. Gaskavahku Peter Danowsky oaččui Ruoŧa Sámi Riikasearvvi gudnebálkkašumi searvvi jahkečoahkkimis.

– Advokáhtta Peter Danowsky, Stockholmmas eret, lea su ámmátčehppodagain, áŋgiruššamiin ja áktejumiin láidestan Girjása čearu diggeášši čađa Ruoŧa stáda vuostá. Danowsky lea duomuin čállán sámi riektehistorjjás ođđa kapihttala. Sus lea stuora oassi Girjása čearu vuoittus stáda vuostá diggeáššin, čállá Ruoŧa Sámiid Riikasearvi preassadieđáhusas. 

-Almmuhus-