Biebmogirjjiid Oscargallas Kiinnás lea sámi biebmogirji gilvaleaddjin.
Biebmogirjjiid Oscargallas Kiinnás lea sámi biebmogirji gilvaleaddjin.
«Smak på Sápmi» lea biebmogirji maid Viktoria Harnesk lea diibmá almmuhan «Slow Food» čađa. Dál vuolgá girjjiin Kiinnái gilvalit šaddat máilmmi buoremus biebmogirjin «The Best in the World» gilvvus. Girji lea jo ožžon máŋggaid bálkkašumiid Ruoŧas, ja ihttin sáhttá oažžut máilmmi stuorámus biebmogirjebálkkašumi, «Gourmand Cook Book Awards». Nu čállá Ruoŧa radio.
Ieš ruhtadan mátki
Mátki lea ieš ferten ruhtadit go ii leat ožžon doarjaga dain 20 báikkiin gos ozai doarjaga.
– Mii ozaimet doarjaga birrasiid 20 báikkiin geat dorjot ealáhusbargguid Ruoŧas, muhto eat ožžon evrrege. «Slow Food» lea roggan lummaid ja mii leat vuovdán girjjiid, ja mun mátkkoštan bálkká haga vuoi mátki ollašuvvá, muitala prošeaktajođiheaddji Viktoria Harnesk Ruoŧa radioi.
TV njuolggosáddagis
Doalut leat Yantai báikkis Kiinnás ja Kiinnálaš TVs lea njuolggosátta gilvvus. Harnesk lohká iežas dárbbašit gávtti coggat ja leavggain seavvit.
– Dovdo stuora dáhpáhussan ja ártet seammás, muitala Viktoria Harnesk.