Ođđajagi rájes ii leat šat lohpi ligget viesuid minerálaoljjuin.
Ráđđehus mearridii 2018:s láhkanjuolggadusa mii gieldá geavaheames minerálaoljju ligget visttiid. ođđajagemánu 1. beaivve rájes lea láhkanjuolggadus fámus ja dalle lea gielddus geavahit minerálaoljju viesuid liggemii.
Gildosii eai gula astoáigevisttit main ii leat elrávdnji. Eanadollui gullevaš doaibmavisttit ožžot geavahit minerálaoljju jagi 2025 rádjái.