Logut dáhkádusfitnodagain čájehit ahte leat balddihahtti ollu buollimat čuožžilan gievkkanis. Ollu buollimiid sáhttá hávkadit álggus, jáddadansorppiin, gievdnelohkiin dahje buollinhárjehallamiin.
Logut dáhkádusfitnodagain čájehit ahte leat balddihahtti ollu buollimat čuožžilan gievkkanis. Ollu buollimiid sáhttá hávkadit álggus, jáddadansorppiin, gievdnelohkiin dahje buollinhárjehallamiin.
Tryg dáhkádusfitnodaga jođiheaddji Espen Opdahl ávžžuha doallat buollinhárjehallama olles bearrašiin ja hárjehallat jáddadit buollima.
– Logut dáhkádusfitnodagain čájehit ahte gaskamearálaččat jápmet vihtta olbmo juohke mánus Norggas buollima geažil.
Bidjat buollineastadandoaimmaid ovttas bearrašiin lea buorre goansta, lohká Tryg dáhkádusfitnodaga jođiheaddji.
Smávva buollimat
Son deattuha das lea sáhka daid smávva buollimiid birra, ja go stuorit buollimat čuožžilit, de berre iežas ja earáid oažžut sihkarvuhtii ja riŋget buollinčáskadeddjiid. Son lohká lea illudahtti go lohku buollimiin, mat álget gievkkanis, njiedjá.
– 2011 registrerejuvvo 160 buollima mat álge gievkkanis ja 2015:s lei dat lohku 89.
Sáhttá šaddat buhtadit
Tryg dáhkádusfitnodaga jođiheaddji lohká buohkat sáhttet bártidit, ja sáhttá buollát vaikko it leat ieš sivalaš dasa.
– Ferte maid atnet muittus ahte dáhkádusfitnodagat sáhttet gáibidit buhtadusa jus don it láhtte várrogasat. Guođđit lieggasa go ieš manat, sáhttá gehččot roavva váruhisvuohtan, mii fas sáhttá buhtadusa unnidit dahje vearrámus ahte geavat ieš máksit buhtadusa, lohká Opdahl.
