-Almmuhus-
-Almmuhus-
OĐĐASATGierdá go viessodáhkki buot muohttaga? 

Gierdá go viessodáhkki buot muohttaga? 

-

-

Stuora oasis Finnmárkkus lea garra dálki ja gaskavahku ledje ge 29 luotta gitta. Dasa lassin lea maid riddoguovlluin stuora uđasvárra. Muhtin guovlluin lea beannot mehtera gasu muohta, ja dálki ii noga vel.

– Juohke dálvvi billahuvvet ollu visttit Norggas go ollu muohta bisána dáhki ala. Dat lea viessoeaiggáda ovddasvástádus sihkkarastit viesu, ja eaiggát galgá maid gozihit ahte ii gártta beare ollu muohta dáhki ala. Jus viessu billahuvvá dan dihte go lea ollu muohta, de ii leat sihkar ahte dáhkádus gokčá buot vahágiid, dadjá Tryg dáhkádusa gulahallanráđđeaddi Torbjørn Brandeggen preassadieđáhusas. 

Man ollu gierdá dáhkki? 

Jus gártá ollu muohta, de sáhttá vistti álgit gihčat ja beaškkit. Ja de sáhttá maid vásihit ahte uvssat ja láset eai doaimma nu go galggaše. Jus nu dáhpáhuvvá, de lea čielggas ahte lea gártan beare ollu deaddu dáhki ala.

Oallugat eai dieđe man ollu dáhkki gierdá, muhto SINTEF Byggforsk lea ovttasbargan huksenkvalitehta direktoráhtain ja ráhkadan njuolggadusaid. 

Viesut mat leat huksejuvvon gaskkal 1950 ja 1979 girdet dábálaččat 50 sentimehtera goike, boares muohttaga dahje 40 sentimehtera njuoskka muohttaga. Kriittalaš dássi lea sullii 150 kilo juohke njealjehasmehteris. 

Viesut mat leat ođđasit go 1980 girdet eambbo. Dáidda viesuide lea kriittalaš dássi gaskkal 150 kilo ja 350 kilo juohke njealjehasmehteris. 

-Almmuhus-