Finnmárku ja Romsa, Romsa ja Finnmárku, vai njulgestaga Guovssahas? Ođđa fylkka namma ii leat vel mearriduvvon, ii Giellaráđis ge leat čielga ráva.
Finnmárku ja Romsa, Romsa ja Finnmárku, vai njulgestaga Guovssahas? Ođđa fylkka namma ii leat vel mearriduvvon, ii Giellaráđis ge leat čielga ráva.
Norgga Giellaráđđi lea dál árvvoštallan daid nammaárvalusaid mat leat boahtán ođđa ovttastuvvon fylkii davimusas Norggas.
Árvvoštallama leat dahkan Finnmárkku fylkkagieldda ovddas, dieđiha NRK.
– Sáhttá váttis dohkkehit dušše Finnmárkku
Giellaráđđi oaivvilda ahte jus dušše nubbi dálá fylkkanamain galgá geavahuvvot, de sáhttá Finnmárkku bealuštit go dat lea dolin geavahuvvon dán guovtti fylkka ja stuorát guovlluid namman.
Muhto ráđđi oaivvilda maid ahte dán nama válljet sáhttá šaddat váttisin, go de lea dušše nubbi dálá fylkkain mielde namas.
Duppalnama dorjot
Ráđđi doarju sin geat sávvet fylkii duppalnama, muhto jus nu válljejit, de lea boahtte gažaldat goabbá namma galgá ovdal čuožžut.
– Go lea nu ahte dušše Finnmárkku nama sáhtášii geavahit okto, de dat sáhttá čájehit ahte Finnmárkku namma berrešii ovddemusas čállot. Nubbi bealli fas lea mo nama dadjá, ja ahte geahppaseamos oassi, Romsa, soaittášii de galgat čállot ovddemusas. Praktihkalaččat lea goappašat namaid álki njálmmálaččat dadjat, danne ii leat mis ágga ávžžuhit goabbá galggašii ovddemusas čállot, čállá Giellaráđđi.
Ráđđi dattetge čielgasit hilgu «Guovssahas» nammaárvalusa.
(©NTB)