-Almmuhus-
-Almmuhus-
OĐĐASAT Gielddus sáddet rekláma TV:s ja rádios

Gielddus sáddet rekláma TV:s ja rádios

-

-

Moadde beaivvi jagis ii leat lohpi sáddet kommersiealla máidnosiid dahje rekláma, ja beassážiid áigge bohtet ge guokte dain beivviin. 

Mediabearráigeahčču dieđiha ahte Norgga áibmomedialága mielde ii leat lohpi sáddet kommersiealla máidnosiid dahje rekláma guhkesbearjadaga ja vuosttaš beassášbeaivvi, vuosttaš hellodatbeaivvi ja vuosttaš juovlabeaivvi. Ulbmil gildosiin lea ahte álbmogii ii galgga fállat kommersiealla fálaldagaid alimus bassebeivviid. 

– Áibmomedia lea dábálaččat hui čeahppi doalahit dan gildosa. Maŋimuš 20 jagi lea dušše moattis gávnnahallan Mediabearráigeahččui rihkkon lága, muitala Mediabearráigeahču juridihkalaš ja regulatoralaš ossodaga direktevra Hanne Sekkelsten.

Jus rihkku lága, de sáhttá ráŋggáštuvvot rihkusdivadiin, áigemeari gildosiin dahje sáhkuin. 

-Almmuhus-