– Gielddat ja fylkkagielddat leat geatnegahtton geavahit sámegiel gielddanama jus olbmot geat ásset dahje ealáhusa bokte lea čadnon báikái, lohká báikenammaáššiid váiddalávdegotti jođiheaddji, jusprofessor Marit Halvorsen.
– Gielddat ja fylkkagielddat leat geatnegahtton geavahit sámegiel gielddanama jus olbmot geat ásset dahje ealáhusa bokte lea čadnon báikái, lohká báikenammaáššiid váiddalávdegotti jođiheaddji, jusprofessor Marit Halvorsen.
Báikenammaáššiid váiddalávdegotti jođiheaddji ii hálit muitalit guđemuš gielddat su mielas leat geatnegahtton mearridit sámegiel gielddanama, čállá nrk.no. Bådådjo gávpogis lea sámegiel namma, muhto ii gielddas.
– Gielddat ja fylkkagielddat leat geatnegahtton geavahit sámegiel gielddanama jus olbmot geat ásset dahje ealáhusa bokte lea čadnon báikái, lohká báikenammaáššiid váiddalávdegotti jođiheaddji, jusprofessor Marit Halvorsen.
Son oaivvilda gielddat ieža eai sáhte válljet galget go mearridit sámegiel nama vai eai. Dát lea mearriduvvon Báikenammalágas.
– Gielddat rihkkot Báikenammalága jus dan eai daga. Báikenamat galget geavahuvvot, deattuha Halvorsen.
Ovttagielalaš gielda
Bådådjo ráđđealmmái oaivvilda ahte gielda ii leat geatnegahtton mearridit sámegiel báikenama.
– Mii leat árvvoštallan ahte Bådådjo gielda lea ovttagielalaš gielda ja danin eat geavat sámegiel nama. Guovttegiel gielddain hálddašuvvojit sierra njuolggadusaid mielde ja doppe galgá galbet sihke sáme- ja dárogillii, lohká Bådådjo ráđđealmmái Rolf Kåre Jensen.
Son mieđiha ahte sii sáhttet válljet čalmmustahttit ja geavahit iežaset sámegiel nama, Bådådjo suohkan, muhto eahpida ahte láhka geatnegahttá sin dan dahkat.
Barget systemáhtalaččat
Gieldadepartemeanttas lohket ahte ii sáhte lohkat ahte gielda lea ovttagiel dahje guovttegiel.
– Bådådjo suohkan ii leat sámegiel hálddašanguovllus. Dattetge lea Bådådjo guovlu sihke julev- ja bihtánsámegiel guovlu. Gielddaide, mat leat sámegiel guovlluin, gullá dutkat gávdnojit go sámegiel báikenamat guovllus, dieđiha Gieldadepartemeantta gulahallanhoavda Hanne Gjørtz nrk:ii.
Bådådjo ráđđealmmái lohká sii fertejit oažžut dan dieđu departemeanttas, iige NRK:s. Muitala sii leat bargamin systemáhtalaččat sámegiel áššiiguin.
