-Almmuhus-
SMÁVVAOĐĐASATGielddat sáhtá­šedje seastit mil­jovnnaid jus fállet veajui­dahttima 

Gielddat sáhtá­šedje seastit mil­jovnnaid jus fállet veajui­dahttima 

Journalista

-

-

Prošeakta čájeha mo gielddat sáhtášedje ruhtalána seastit jus fálašedje veajuidahttima buhcciide. 

Indre Østfold gielda seastá badjelaš miljovnna kruvnna jahkásaččat juohke pasieantta nammii go geavaha doaresfágalaš árvvoštallanjoavkku. Joavkkus lea sihke fysioterapevta, ergoterapevta ja buohccidivššár ja jus lea dárbu de maiddái doavttir,  biebmofysiologa, logopeda ja bargospesialista. 

Maŋŋá veajuidahttima ii lean dárbu dearvvašvuođa bargoveagas fitnat go guktii vahkus buohcci ruovttus dan sadjái go guokte dearvvašvuođa bargi fitnat su luhtte njealje geardde beaivái. Dan čájeha gieldda prošeakta mii čađahuvvui 2016–2020 áigodagas.

– Prošeakta ja maiddái eará gielddaid vásáhusat, čájehit ahte gánnáha gielddaide fállat buhcciide veajuidahttima. Lea ávkin sihke pasientii, oapmahaččaide ja gildii vai gielda sáhttá eanet veajuidahttima fállat, lohká Norsk Fysioterapautforbund lihttujođiheaddji Gerty Lund preassadieđáhusas.

Son lohká gildii gánnáha virgádit fysioterapevttaid go Stáhta máksá stuorra oasi dan bálkkás. 

– Leat maid olu fysioterapevttat geat eai oaččo barggu maŋŋá go lea geargan oahpuin, go Norggas eai leat doarvái fysioterapevtavirggit.

-Almmuhus-